آخر مره أطاوع قلبى

شعر جمال الزغبى
جمال باشا







هوه دا حب
ولا مزاح
ولا تهديد السلاح


بتقولى دى آخر مره
أخاف على حبى
وآخر مره أطاوع قلبى
وآخر مره هتبقى سماح

مش قصدى ياروحى أشكك
لأ دنا قصدى خلاص هتلكك
وحبال الود هفكك
لو ملمستش حبك ليه
ولو مبقتشى معاك هرتاح

أصل أنا شفت تغير فيك
بعد ما عشت عشان أرضيك
وبعد ما كنت أنا كل حياتك
فجأه لقيتك نازل فيه جراح

يعنى خلاص ودى آخر مره
يعنى دى هدنه ياحلوه يامره
علشان قلبى خلاص يرتاح

أصل أنا قلبى تعبته معاك
ومعنتش لاقيه الحل معاك
خليك فاكر ولا الآخر
يبقى أهو حب وراح